تحدي نسف الدهون في أسبوع #هنخس_في_الشتاء مع دايت كلينيك

السلام عليكم ورحمة الله وبركاته، معاكم دكتور أحمد منصور أخصائي التغذية العلاجية، الحمد لله إنتهينا من تحدي كله إنجازات ونجاحات فرحتني جداً جداً وربنا يسعدكم ويقدر لكم جميعاً الخير، وإن شاء الله هنكمل مع بعض ومش هسيب أي حد وثق فيا إلا لما يوصل للوزن المثالي بفضل الله أولاً وأخيراً.

التحدي الجديد هيبدأ بكره السبت الموافق 17 نوفمبر وهينتهي يوم 23 نوفمبر يعني هيكون لمدة أسبوع واحد فقط، وبما إن الجو بدأ يبرد والجوع بيزيد في الفترة دي، فأنا عملت حسابي، وحاولت قد الإمكان أوفر لكم رجيم ميحسسكوش بالجوع وفي نفس الوقت يساعدكم تفقدوا وزنكم الزائد.

لو أنتي لسه محملة التطبيق، أو بادئة معانا من زمان، فالرجيم ده مناسب لأي حد بشرط إنه يكون مش بيعاني من أي أمراض، زي السكر أو الضغط، يعني لو حضرتك بتعاني من أي من المرضين دول، لازم تستشيري طبيب حضرتك المعالج، وهو هيقيم بناء على حالتك إن كان الرجيم مناسب ليكي أو لأ.

• الرجيم سهل إن شاء الله وهتقدروا تلتزموا بيه.
• هيساعدك تفقدي من 1 كيلو دهون إلى 3 كيلو دهون.
• بعد ما الأسبوع يخلص هنبدأ في تحدي جديد .. وهكذا لحد ما كل المتابعين يوصلوا للوزن المثالي.

زي ما اتفقنا النظام هيكون لمدة 7 أيام واليوم رقم 7 اللي هو يوم الجمعة هيكون فري أما بالنسبة لنظام أول 6 أيام هيكون كالآتي ..

على الريق أول ما نصحى من النوم هنشرب كوباية مياه دافئة وعليها ملعقة عسل أبيض ( عسل النحل الطبيعي ) ومعاها كمان عصير ليمونة وطبعاً المشروب ده ليه فوائد كتير جداً منها:-

• هيدفيكي أول ما تصحي من النوم.
• إحنا في البرد دلوقتي فالمشروب ده على الريق هيقوي مناعتك ويحميكي بفضل الله من أمراض البرد المختلفة.
• هيسد شهيتك بنسبة معقولة، هتلاقي نفسك مش عايزة تأكلي كتير في وجبة الفطار..
• الأهم من ده كله إنه هيعلي حرقك على مدار اليوم.

اليوم الأول

وجبة الفطار:-

2 كوب زبادي لايت معاها ثمرة خيار
أو 2 بيضة مسلوقة + ثمرة طماطم
أو 150 جرام من أي جبن خالي الدسم + ملعقة زيت زيتون عليها

بعد الفطار بساعتين:- ثمرة فاكهة

وجبة الغداء يمكنك الإختيار من بين الآتي:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم الأول:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت، وكمان متاح تناول 3 معالق أرز أو مكرونة أو ربع رغيف عيش.

بين وجبة الغداء والعشاء:- كوب حمص الشام عشان يدفيكي

وجبة العشاء:- كوب زبادي معاه ثمرة خيار

اليوم الثاني:- 

الفطار:-

2 كوب زبادي لايت معاها ثمرة خيار
أو 2 بيضة مسلوقة + ثمرة طماطم
أو 150 جرام من أي جبن خالي الدسم + ملعقة زيت زيتون عليها
أو 4 معالق فول عليهم رشة كمون وملح + ملعقة زيت زيتون

بعد الفطار بساعتين:- كوب حليب خالي الدسم

وجبة الغداء:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم الثاني:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت، وكمان متاح تناول 3 معالق أرز أو مكرونة أو ربع رغيف عيش.

بعد الغداء بشوية:-

كوب حليب دافئ خالي الدسم

وجبة العشاء:- بيضة مسلوقة + ثمرة خيار
أو علبة زبادي لايت عليها عصير ليمونة

اليوم الثالث:- 

وجبة الفطار:-

ربع رغيف عيش + 150 جرام جبنة قريش

أو

بيضة مسلوقة + ربع رغيف عيش

بعد الفطار بساعتين:- ثمرة فاكهة

وجبة الغداء:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم الثالث:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت،

بدووووووووووون تناول 3 معالق أرز أو مكرونة أو ربع رغيف عيش.

بعد الغداء بساعتين:- كوب حليب خالي الدسم

وجبة العشاء:-

150 جرام من أي جبن خالي الدسم أو كوب زبادي لايت

اليوم الرابع:- 

وجبة الفطار:-

2 توست بني + كوب حليب خالي الدسم

أو

ربع رغيف عيش + كوب حليب خالي الدسم

بعد الفطار بساعتين:- ثمرة فاكهة

وجبة الغداء:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم الرابع:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت ..

بدووو ووو ووون تناول 3 معالق أرز أو مكرونة أو ربع رغيف عيش.

بعد الغداء بشوية:- كوب حليب خالي الدسم
وجبة العشاء:- بيضة مسلوقة + ثمرة خيار أو 100 جرام جبنة قريش + ملعقة زيت زيتون

اليوم الخامس:- 

الفطار:-

كوب حليب خالي الدسم + 150 جرام جبنة قريش

أو

كوب زبادي + طبق سلطة مكون من ( ثمرة خيار وثمرة طماطم وثمرة جزر )

بعد الفطار بساعتين:- كوب حليب خالي الدسم

وجبة الغداء:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم الخامس:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت..

بدون تناول 3 معالق أرز أو مكرونة أو ربع رغيف عيش.

بين الغداء والعشاء:- كوب حمص الشام

وجبة العشاء:- كوب زبادي معصور عليه ليمونة

اليوم السادس:- 

وجبة الفطار:-

2 توست بني + كوب حليب خالي الدسم

بعد الفطار بساعتين:- ثمرة فاكهة

وجبة الغداء:-

• ربع كيلو جبة قريش
• 2 بيضة مسلوقة
• علبة تونة بدون زيت
• ربع فرخة مسلوقة أو مشوية
• شريحتين لحمة مسلوقة أو مشوية
• ربع كيلو كفتة مشوية
• 2 سمكة مشوية

مع وجبة الغداء في اليوم السادس:- طبق سلطة + طبق خضار مطبوخ دايت ( بطريقة صحية ) يعني بدون سمنة أو زيت ..

بدون تناول 3 معالق أرز أو مكرونة أو ربع رغيف عيش.

بين الغداء والعشاء:- كوب حليب خالي الدسم

وجبة العشاء:- ثمرة فاكهة

معلومات هامة وتنبيهات:- 

• اليوم السابع هيكون فري زي ما اتفقنا.
• لو حابة تتوزني الميزان هيكون اليوم السادس صباحاً.
• لازم تراقبي مقاساتك علشان لو لقيتي وزنك ثابتك لكن المقاس بينزل ده شئ مش وحش أبداً، لأن أهم شئ هو نزول المقاس.
• لازم على الأقل شرب عشر أكواب من الماء يومياً.
• الرجيم كله أكل زي ما أنتوا شايفين يعني تقريباً مفيش ساعة في اليوم الا موجود فيها وجبة، عشان كده مش عايز حد يتحجج بأن الجوع في الشتاء هو سبب فشل النظام الغذائي.
• لو بعد العشاء كنتي سهرانه وجوعتي حضرلي لنفسك طبق شوربة دافي عشان ينسيكي الجوع وتفضلي محافظة على النظام.
• طبق شوربة بروكلي أو عدس أو كرنب أو أي حاجة المهم يكون مطبوخ بطريقة صحية.
• مسموح بمعلقة سكر واحدة في اليوم.

الرجيم ده غير مناسب لمرضى الأنيميا فلو حضرتك عندك أنيميا ونفسك تخسي إضغطي (هنا) وكمان مش مناسب للمرضعات، ونظام التخسيس للمرضعات موجود (هنا).

رجيم لمرضى الكوليسترول (هنا).