تخسيس الجسم في أسبوع واحد
إنقاص الوزن في أسبوع واحد بدون رياضة

إنقاص الوزن في أسبوع بدون رياضة لوزن أعلى من 90 كيلو

مرحباً بكم من جديد، أتمنى من الله أن تكونوا بخير، وفي تمام الصحة والعافية، كالعادة يتجدد لقائي بكم مساء كل يوم جمعة، وبتوفيق من الله وفضله، بنحقق إنجازات وقصص نجاح لكل رجيم بننزله، دعواتكم ليا دائماً بإن ربنا يكرمني، ويمنحني قوة للإستمرار.

لو متابع لينا من زمان أو أول مرة بتتابعنا، ففي كل الأحوال متبصش وراك، ركز دائماً في الخطوة اللي جاية، مهما كنتي شايفة نفس ضعيفة الإرادة، إبدأي وكملي، مفيش حد بينجح من أول مرة.

الفرصة على طول موجودة، وأي حد بتشوفيه وصل للوزن اللي نفسه فيه، وشكله وصحته إتغيرت، مستحيل يكون نجح من أول مرة قرر يبدأ فيها رجيم.

الرجيمات في كل مكان لكن أنا بدعوك لإتباع نظام دايت كلينيك، لأنه مش أي رجيم وخلاص يخسسك وفقط، لأ إحنا بنحقق معادلة صعبة بجد مش مجرد كلام.

بنقدم لك رجيم سهل متنوع يساعدك تحرق دهون وتتخلص من أي كيلو زيادة عندك، وفي نفس الوقت، يحافظ على كتلتك العضلية، وشكل جسمك ويفاديك من الترهلات وبدون أي آثار جانبية سلبية، مثل الدوخة والهبوط وغيرها من الأعراض الناتجة عن إتباع أغلب الأنظمة الغذائية.

مطلوب منك تركزي ومتشتتيش نفسك بأي حاجة غير الإجتهاد والمحاولة قدر المستطاع على الإلتزام بجدول الأكل، يوم ورا  التاني، وأسبوع بأسبوع، حتى تحقيق الهدف.

يجب ألا تهملي شرب الماء على مدار اليوم، وأنا عارف أن الموضوع بيكون صعب شوية، مع برودة الجو، لكن نحاول على قد ما نقدر، لأن بالفعل شرب المياه أمر هام جداً، وخاصة الكوب قبل تناول كل وجبة.

لو أول مرة بتعمل رجيم، ليك 3 معالق سكر فقط في اليوم، لكن لو متابع من زمان فيكفي فقط معلقة واحدة يومياً، وإن شاء الأمر سهل، وهييجي بالتعود.

إنقاص الوزن في أسبوع بدون رياضة

لو مش بتعملي رياضة، متقلقيش هتخسي معانا إن شاء الله، لكن لو تقدري على إنك تمشي في المكان يومياً في المنزل ولو نصف ساعة، هيكون أفضل أكيد.

هقدم لكم دلوقتي نظام يومين بيومين، والجمعة فري.

في جدول الأكل، نحاول ننوع عادي في طرق التحضير، في أكثر من شكل نقدم بيه اللحمة والفراخ بطريقة مناسبة للرجيم، وكمان السمك، وأي صنف مكتوب في طرق متنوعة تخلينا نستمتع بالأكل الصحي.

نظام يوم السبت والأحد

اليوم الأول والثاني (7) و(8) نوفمبر

 

الفطار

يمكنك الإختيار من بين:-

  • حبة بطاطس مسلوقة + بيضة مسلوقة + شرائح طماطم وفلفل أخضر وخيار
  • 4 معالق فول + نصف رغيف عيش سن + ثمرة طماطم
  • 4 معالق شوفان + كوب حليب + ثمرة موز
  • 4 معالق قمح بليلة + كوب حليب + 3 تمرات
  • بيضة مسلوقة + قطعة جبنة قريش + ربع رغيف عيش بلدي أو نصف رغيف عيش سن + خيار أو خس
  • بيضة مسلوقة + 2 معلقة فول + ربع رغيف عيش بلدي أو نصف رغيف عيش سن + خيار أو خس
  • 2 بيضة مسلوقة أو مقلية بزيت زيتون + نصف رغيف عيش سن أو ربع رغيف عيش بلدي + خيار أو خس
  • جبنة بيضاء لايت (125 جرام) + ربع رغيف عيش بلدي أو 1 توست بني أو نصف رغيف عيش سن + خيار أو خس أو قثاء (قتة).

 

سناك (1)

الوجبة الخفيفة الأولى

 

كوب حليب خالي الدسم + ثمرة فاكهة

أو

نصف كوب حليب كامل الدسم + ثمرة فاكهة

 

الغداء

يمكنك الإختيار من بين:-

  • 200 جرام لحمة مسلوقة أو مشوية
  • نصف كيلو سمك مشوي
  • نصف فرخة مشوية أو مسلوقة
  • علبة تونة بدون زيت
  • 2 بيضة مسلوقة + قطعة جبنة قريش
  • ربع كيلو جمبري مسلوق
  • 200 جرام كفتة مشوية بدون دهون
  • طبق عدس عبارة عن كوب ونصف من شوربة العدس الأصفر
  • 6 معالق لوبيا بيضاء

هنختار صنف واحد من اللي فوق وناخد معاه حاجة واحدة من اللي تحت:-

  • 6 معالق أرز أبيض مسلوق أو بسمتي
  • 8 معالق مكرونة
  • رغيف عيش سن
  • نصف رغيف عيش بلدي

أساسي معانا طبق سلطة (طماطم، خيار، جزر، خس، فلفل ألوان) أو طبق خضار يتم تحضيره بطريقة صحية من أحد الخيارات الآتية:-

  • ملوخية
  • سبانخ
  • فاصوليا خضراء

 

سناك (2)

الوجبة الخفيفة الثانية

ثمرة فاكهة

 

العشاء

علبة زبادي + 2 معلقة شوفان + ثمرة فاكهة

أو

كوب حليب + بيضة مسلوقة

أو

2 علبة زبادي

أو

كوب لبن رائب

 

نظام اليوم الثالث والرابع 

الاثنين والثلاثاء 9، و10 نوفمبر

 

الفطار

يمكنك الإختيار من بين:-

  • 2 بيضة مسلوقة + خيار أو خس
  • 2 علبة زبادي + خيار أو خس
  • 4 معالق فول + ثمرة طماطم وخيار وفلفل أخضر
  • قطعة جبنة قريش + خيار أو خس

 

سناك (1)

2 ثمرة فاكهة

وليكن ثمرة برتقال + ثمرة موز

أو

2 ثمرة برتقال

 

الغداء

يمكنك الإختيار من بين:-

  • نصف فرخة مشوية أو مسلوقة
  • ربع أرنب مشوي أو مسلوق
  • نصف كيلو سمك مشوي
  • ربع كيلو جمبري مشوي أو مسلوق
  • ربع كيلو كفتة مشوية بدون دهون
  • علبة تونة بدون زيت
  • 2 بيضة مسلوقة
  • 200 جرام لحمة مسلوقة أو مشوية

هنتخار صنف من اللي فوق، ومعاه لإما طبق خضار محضر بطريقة صحية (كوسة أو سبانخ أو ملوخية أو بامية)

لإما طبق من شرائح الخضار (طماطم، فلفل ألوان، خيار، جزر)

 

سناك (2)

كوب حليب خالي الدسم + 6 حبات لوز

أو

نصف كوب حليب كامل الدسم + 6 حبات لوز

 

العشاء

كوب لبن رائب

أو

علبة زبادي

 

نظام اليوم الخامس والسادس

يوم الأربعاء والخميس 11، و 12 نوفمبر

الفطار

يمكنك الإختيار من بين:-

  • ربع رغيف عيش بلدي + 2 بيضة مسلوقة
  • حبة بطاطس مسلوقة + بيضة مسلوقة
  • قطعة جبنة قريش + بيضة مسلوقة +ربع رغيف عيش بلدي
  • جبنة بيضاء لايت (125 جرام) + ربع رغيف عيش بلدي أو واحد توست بني
  • 3 معالق شوفان + كوب حليب + معلقة عسل أبيض
  • 3 معالق قمح بليلة + كوب حليب + معلقة عسل أبيض
  • 2 بيضة مسلوقة + طبق سلطة صغير + نصف رغيف عيش سن

 

سناك (1)

ثمرة فاكهة

 

الغداء

يمكنك الإختيار من بين:-

  • طبق عدس دايت
  • 6 معالق فاصوليا بيضاء
  • 200 جرام كبدة مشوية أو مضحرة بأي طريقة صحية
  • نصف فرخة مشوية أو مسلوقة
  • ربع أرنب مشوي أو مسلوق
  • 6 معالق لوبيا
  • نصف كيلو سمك مشوي
  • ربع كيلو جمبري مشوي أو مسلوق
  • ربع كيلو كفتة مشوية بدون دهون
  • علبة تونة بدون زيت
  • 2 بيضة مسلوقة
  • 200 جرام لحمة مسلوقة أو مشوية

+ 3معالق أرز أو 4 معالق مكرونة أو ربع رغيف عيش بلدي

هنتخار صنف من اللي فوق، ومعاه لإما طبق خضار محضر بطريقة صحية (كوسة أو قرنبيط أو فاصوليا خضراء أو سبانخ أو ملوخية أو بامية)

لإما طبق من شرائح الخضار (طماطم، فلفل ألوان، خيار، جزر)

أو ثمرة باذنجان مشوية

 

سناك (2)

لا يوجد

 

العشاء

علبة زبادي + خيار أو خس

أو

بيضة مسلوقة + خيار أو خس

أو

كوب لبن رائب

 

نظام يوم الجمعة

يوم الجمعة “اليوم السابع” فري، لينا وجبة مفتوحة، ودي مسموح ليك بيها في حالة إنك ملتزم بالرجيم على مدار الأسبوع، أما بالنسبة لوجبة الفطار ووجبة العشاء فهيكونوا دايت.

لينا قطعة حلويات بحجم كف اليد، بعد وجبة الفطار أو الغداء.

وبكده يكون إنتهى نظام الأسبوع الحالي، نتقابل بمشئية الله تعالى الأسبوع القادم، على خير يارب ونكون كلنا ملتزمين بالمكتوب، وفرحانين بنتائج تطبيقنا للرجيم أسبوع بأسبوع، علشان نعيش حياتنا بصحة وبشكل راضيين عنه تمام الرضا.

دمتم بخير ولا تنسوني من صالح دعائكم.

برنامج للتخسيس الصحي