تخسيس سريع

تقرير اليوم 22-9-2018

السلام عليكم ورحمة الله وبركاته، يا ترى عاملين إيه مع بداية العام الدراسي الجديد، طبعاً مش عاوزين أي حجج تخلينا منكملش أو نستسلم عن الهدف اللي حاطينه قدام عينينا، هو لو مقدرتيش تقاومي رغبتك في الأكل وتخسي، هتقدري تنجحي في إيه في حياتك.

في ناس كتير إنضمت لينا جداد ومنهم الأستاذة هالة رضوان اللي واضح كده إنها متحمسة جداً ومش هتتهاون في حلمها، ويارب نفرح بكل اللي موجودين، وكل اللي متابع في دايت كلينيك يوصل للوزن المثالي.

كلام مهم ياريت تركزوا فيه

دلوقتي في تحديين على التطبيق، في ناس مشتركة بالفعل في تحدي الـ 30 يوم وناس تانية مشتركة في تحدي الـ 7 أيام، أنا يومياً هكتب التقرير للكل والكل يشارك أياً كان الدايت اللي حضرتك متابعاه على التطبيق.

بالنسبة للناس الجديدة اللي لسه داخلة التطبيق، مفيش مشكلة أنهم يبدأو في أي تحدي، ده موجود وده موجود والأريح لحضرتك أمشي عليه، النظامين كويسين جداً وآمنين، وعلى أي حال حضرتك مش هتطلعي من التطبيق إلا وأنتي واصلة للوزن المثالي.

أنا بطلب دلوقتي من كل اللي مشاركين في أي تحدي على التطبيق إنهم يطمنوني وصلوا لإيه؟
والتزمتم النهاردة ولا لأ؟

وياريت لو حد وزن يطمني كان كام وبقى كام؟

 

وأي سؤال عندكم ياريت تكتبوه في موضوع التقرير علشان مبقاش مشتت في الكومنتات اللي موجودة في كل مواضيع التطبيق .. يعني جمعي ليا كل الأسئلة اللي بتدور في بالك عن أي شئ وأكتبيها ليا في موضوع التقرير اللي بينزل يومياً، علشان أقدر أجاوب عليها كلها بفضل الله .. دمتم في سعادة يا كرام ..

عن د/ أحمد منصور

29 تعليق

  1. انا وزنة ٨٥ و دولة ١٦٧ عاوزه دايت يمشى معايا انا عندى٢٨ سنه

  2. د/ أحمد منصور

    إبدأي في تحدي الـ 7 أيام

  3. غير معروف

    شكرا لك يا دكتور

  4. غير معروف

    انا مشتركة جديدة .. اتحمست للتطبيق و حبيت نزيد نعرف حاجات ماكنتش نعرفها . على فكرة انا من سنة بدأت ريجيم و عملت تحدي مع نفسي و حبيت أنزل وزن و الحمد لله انا وصلت للي كنت عاوزاه و أكثر . كان وزني من سنة 75 كغ و و وصلت ل 58 كغ .. و الآن انا وإني 60 كغ على فكرة انا لي حبيت أزيد 2 كغ عشان 58 كغ كنت خاسة بزاف و كان وجهي شاحب أما الآن انا مليحة الحمد لله. و مازلت متابعة ال healthy food . و ماشية عليه.

  5. نادية منال

    اليوم الاول مر بسلام

  6. غير معروف

    يصير يادكتور انو اكل صلطة الخيار بالزبادي لما اجوع واليوم انا بلشت بتحدي 7ايام واكلت علبه تونه متصفيه من الزيت مع صلطة الخيار والزبادي على الغدا والعشا اكلت كمان كوباية من الزبادي مع شوية من صلطة الخيار والزبادي ورحت مشيت نص ساعه او اكتر شويه وشربت ميه كتير

  7. د/ أحمد منصور

    الحمد لله

  8. ام زكريا

    يسعد مساك دكتور الحمدلله التزام تام مع لعب رياضه وشرب مي منيح وكمان ساويت الجبنه 😃ودكتور بعد اذنك انا يوم الثلاثاء بكون يوم الرابع عشر مشان تعطيني نظام تاني ومشكور كتير بصراحه ماعندي ميزان ماعرفت أديش نازله بس الحمدلله عم لاقي فرق واضح

  9. د/ أحمد منصور

    ممتاز بالتوفيق لحضرتك

  10. د/ أحمد منصور

    والجبنة طعمها عامل إيه ؟

    حاضر تحت أمر حضرتك يا أم زكريا

  11. تم بعون الله

  12. د/ أحمد منصور

    الحمد لله بالتوفيق لحضرتك

  13. غير معروف

    انا مشيت على البرنامج اليومي تمام بس حسة انوا بطني بيها ترهلات اعمل اي يدكتور عشان تبقى بطني مسطحة

  14. انا وزني 80 وطولي 158 ولسه جايبه بيبي من 3 شهور وطول عمري وزني 60 كيلو لكن زدت جامد بعد الولاده نفسي اخس مش عارفه اعمل اي مع العلم اني مش برضع

  15. مساء الخير يا دكتور انا التزمت النهارده الحمد لله الفطار الساعة 8 كان 2بيضة مسلوقة وكوب تسكافية بدون سمر الغدا فراخ مسلوقة مع سلطة وطبق ملوخية من غير دهون وبعدعا كوب نسكافية بدون سكر وبعدها برتقالة والعشاء 2برتقالة الوزن ثابت انا منزلتش الاسبوع ده ممكن يكون بسبب اليومين اللى بوظتهم وزنى كان 82 النهارده 78 والصراحة انا زعلت كان نفسى انزل 2 كيلو الاسبوع ده بس معلش تتعوض ان شاء الله يا ترى فى حاجة حضرتك تنصحنى بيها

  16. د/ أحمد منصور

    بكره اليوم الفري .. أعملي فيه زي ما أنا قولت في التسجيل

    وأنصحك تلتزمي باللي هقوله في الأسبوع القادم بالظبط

    وان شاء الله تنزلي الـ 2 كيلو

    وحتى لو كيلو واحد مفيش مشكلة

    كده المعدل كويس جداً ..

  17. شكرا على اهتمامك يا دكتور

  18. د. مريم الدهان

    السلام عليكم.. أنا ماشية على رجيم 7 أيام والحمد لله اليوم الأول عدي على خير.. أنا للأسف وزني 127.5 وبرضع.. فهل ينفع امشي على النظام ده وبعدين أكمل على نظام الرضاعة الطبيعية ولا هيبقى غلط عليا

  19. د/ أحمد منصور

    الأفضل تظام الرضاعة .. وعلى فكرة هو كويس جداً

    هيساعدك تنزلي في الوزن .. ومش هيأثر على الرضاعة بل هيفيد الطفل

    متقلقيش يا دكتورة مريم
    وزن حضرتك الزائد كله هينزل

    لكن واحدة واحدة

  20. د/ أحمد منصور

    العفو

    أتمنى ليكي كل الخير والتوفيق

  21. د. مريم الدهان

    نسيت أقول لحضرتك يا دكتور انا ابني سنة وتلات شهور ومش معتمد على الرضاعة قوي يعني الأكل الأصل وعشان أنا بدأت كام مره مع نفسي وفشلت فقولت أشتغل على الشديد يمكن يجيب نتيجة

  22. د. مريم الدهان

    انا نسيت أقول لحضرتك يا دكتور انا ابني سنة وتلات شهور ومش معتمد على الرضاعة قوي يعني الأكل الأصل وعشان أنا بدأت كام مره مع نفسي وفشلت فقولت أشتغل على الشديد يمكن يجيب نتيجة.. وجزاك الله خيرا تعبت حضرتك معايا

  23. 22, 2018 at 8:36 م
    انا مشتركة جديدة .. اتحمست للتطبيق و حبيت نزيد نعرف حاجات ماكنتش نعرفها . على فكرة انا من سنة بدأت ريجيم و عملت تحدي مع نفسي و حبيت أنزل وزن و الحمد لله انا وصلت للي كنت عاوزاه و أكثر . كان وزني من سنة 75 كغ و و وصلت ل 58 كغ .. و الآن انا وإني 60 كغ على فكرة انا لي حبيت أزيد 2 كغ عشان 58 كغ كنت خاسة بزاف و كان وجهي شاحب أما الآن انا مليحة الحمد لله. و مازلت متابعة ال healthy food . و ماشية عليه.

    Reply ↓

  24. سلام دكتور انا جديدة معاكم حابة اني اشارك وانقص في الوزن بس مفهمتش كيف

  25. طولى ١٧٥ ووزنى ٩٥ اامفروض انزل اد ايه

  26. غير معروف

    ينفع يادكتور اكل جبن قليل الدسم ولا ما ينفعش لازم يكون خالي الدسم تماما ياريت ترد عليي يادكتوروشكرا لحضرتك

  27. غير معروف

    من شعر مارس بدأت الريجيم نقص وزني 11كيلو لكن منذ 3اشهر توقفت عن الريجيم لم يزد وزني لحد الان لكني لم استطع الرجوع للرجيم مرة ثاني بماذا تنصحني حاولت مرارا ولكن بمجرد أن يحل الليل ارجع للتخبيص ولاكل الحلويات ليلا

  28. غير معروف

    لو سمحت عايزة اعرف اشترك ازاى فى نظام الصيام المتقطع

  29. Hey very interesting blog!

اترك تعليقاً

لن يتم نشر عنوان بريدك الإلكتروني.